அநாகரீகமான செயல் திட்டங்களுக்கு அரசு இடமளித்ததால். இன்று சிறுவர் கல்விபோய் சீர்திருத்தத்திற்கு சிறப்புப் பள்ளிகள் ஆரம்பம்!

02-09-2010. 09: 55:00

திருமணத்திற்கு முன்பே கர்ப்பம் தரிக்கும் "கன்னித்தாய்'களுக்கு சமூகம் ஒவ்வொன்றும் ஒருபெயரை வைத்து அவர்களின் எதிர்காலத்து கனவை குழியில் போட்டு, சமூகசீரழிவை மேற்கொண்டு வந்தார்கள் என்பது குறிப்பிடத்தக்கது. அரசியல் இலாபத்திற்காக சமூகசீரழிவுகளை மேற்கொள்ளும் திட்டங்கள் தான் நாட்டுக்கு நாடு அதிகரித்து வருகின்றது. இந்ததிட்டத்தை மட்டப்படுத்தி "கன்னித்தாய்'களுக்கு சமூகத்தில் ஒருநல்ல வரவேற்பை எதிர்கொள்ள இன்று மலேசியாவில் சிறப்புப் பள்ளி ஒன்று தொடங்கப்பட்டுள்ளது என்பது பலராலும் வரவேணற்கத்தக்கது.  இன்றைய நவீன உலகில் திருமணத்திற்கு முன்பே "டீன் ஏஜ்' பெண்கள் கர்ப்பமாகும் நிலை அதிகரித்து வருகிறது. அப்படிப்பட்ட "கன்னித்தாய்'களுக்காக மலேசியாவின் மலாக்கா மாநிலத்தில் சிறப்புப் பள்ளி தொடங்கப் பட்டுள்ளது.  பிரச்னைகளில் இருந்து மீண்டு வருவதற்கும், சிறப்பான எதிர்காலத்தை அமைப்பதற்கான இரண்டாவது வாய்ப்பை ஏற்படுத்தித் தரும் வகையிலும் இந்தப் பள்ளியில் அவர்களுக்கு பயிற்சி அளிக்கப்படும். குழந்தை பிறந்த பின் இந்த "கன்னித்தாய்'கள் தாங்கள் ஏற்கெனவே படித்த பள்ளிகளில் சென்று மீண்டும் கல்வி கற்க அனுப்பி வைக்கப்படுவார்கள். இன்று ஆரம்பக் கல்வியில் கடமை கண்ணியம் கட்டுப்பாடு என்று விதைத்த காலம் போய் நவீன உலகின் உள்ள அநாகரீகமான செயல் திட்டங்களுக்கு நாட்டில் அரசு இடமளித்ததால் இன்று கல்வி என்ற சீர்திருத்த சிறப்புப் பள்ளிகள் சர்வசாதாரண முறைக்குள் வந்துவிட்டது.

ஆஸ்திரேலிய பிரதமர் ஜுலியா கில்லார்டின் லேபர் கட்சிக்கு பசுமைக்கட்சி எம்.பி. ஆதரவு…

02-09-2010. 09: 55:00

ஆஸ்திரேலியாவில் ஆகஸ்ட் 21ம் தேதி தேர்தல் நடைபெற்றது. 70 ஆண்டுகளில் இப்போது தான் முதல்முறையாக எந்த கட்சிக்கும் பெரும்பான்மை கிடைக்கவில்லை. அதனால் தொங்கு நாடாளுமன்றம் அமைந்துள்ளது. டோனி அபாட் தலைமையிலான லிபரல் கட்சி-தேசிய கூட்டணிக்கு 73 இடங்களும் பிரதமர் ஜூலியா கில்லார்டின் லேபர் கட்சிக்கு 72 இடங்களும் கிடைத்தன. எந்த கட்சிக்குமே பெரும்பான்மைக்கான 76 இடங்கள் கிடைக்கவில்லை. இந்நிலையில் பருவநிலை மாறுபாடு கமிட்டி அமைப்பதாக கில்லார்டு ஒப்புக்கொண்டதற்கு ஈடாக லேபர் கட்சிக்கு நாடாளு மன்றத்தில் தமது கட்சியின் ஒரே உறுப்பினரான ஆடம் பந்த் ஆதரவு தருவார் என பசுமைக் கட்சி தலைவரும் செனட் அவை உறுப்பினருமான பாப் பிரொüன் தெரிவித்தார். இருப்பினும் பெரும்பான்மை பலம் பெற இன்னும் 3 உறுப்பினர்களின் ஆதரவு தேவைப்படுகிறது. கட்சி சார்பற்றவர்களாக இருக்கும் 3 எம்பிக்கள் மற்றும் புதிதாக தேர்வாகியுள்ள சுயேச்சை எம்பி ஆண்ட்ரூ விக்கி ஆகியோர் தமது ஆதரவு யாருக்கு என்பதை அறிவிக்கவில்லை.

இந்திய- சீன எல்லையில் சாலையில்

சீனத் துருப்புகளின் நடமாட்டம், அத்துமீறல் என  ப.சிதம்பரம்

02-09-2010. 09: 55:00

மேற்கு வங்கத்தில் முகாம்களில் ஆயுதங்களுடன் தொண்டர்கள்: மேற்கு வங்கத்தின் சில பகுதிகளில் அமைக்கப்பட்டுள்ள முகாம்களில் ஆயுதங்களுடன் தொண்டர்கள் உள்ளதை எல்லோரும் ஒப்புக் கொள்கின்றனர். மார்க்சிஸ்ட் மறுப்பு: முகாம்களில் ஆயுதங்களுடன் தொண்டர்கள் உள்ளதாக அமைச்சர் ப.சிதம்பரம் கூறியுள்ளது ஆதாரமற்றது என மார்க்சிஸ்ட் கம்யூனிஸ்ட் மத்திய கமிட்டி உறுப்பினர் முகமது சலீம் கூறியுள்ளார். அரசியல் நிர்பந்தம் காரணமாகவும், மாவோயிஸ்டு தலைவர் ஆசாத் கொலை குறித்த சர்ச்சையை திசை திருப்பவுமே அவர் இதுபோன்று கூறியுள்ளார். மாவோயிஸ்டுகளின் அட்டூழியத்தால் பாதிக்கப்பட்டவர்களுக்காகவே இந்த முகாம்கள் அமைக்கப் பட்டுள்ளன என்றும் சலீம் குறிப்பிட்டார். இதேசமயம் இந்திய- சீன எல்லையில் சாலை அமைக்கும் பணி தீவிரமாக நடைபெற்றுவருகிறது என மத்திய உள்துறை அமைச்சர் ப.சிதம்பரம் தெரிவித்தார். எல்லையில் சீனத் துருப்புகளின் நடமாட்டம், அத்துமீறல் போன்றவை கடந்த சில மாதங்களாக அதிகரித்துள்ளன. இதை கவனத்தில் கொண்டு இந்திய துருப்புகள் எல்லைக்கு எளிதாகச் சென்று வரவசதியாக இந்தப் பணி மேற்கொள்ளப் பட்டுள்ளதாகத் தெரிகிறது. ஆகஸ்ட் மாதத்தில் தனது அமைச்சகம் மேற்கொண்ட நடவடிக்கைகள் குறித்து புது தில்லியில் செய்தியாளர்களிடம் ப.சிதம்பரம் தெரிவித்துள்ளார்.

வட கொரியாவின் அணு ஆயுத உற்பத்தியையும்

வர்த்தகத்தையும் முடக்கும் நோக்கில் அமெரிகர்

02-09-2010. 09: 55:00

வட கொரியாவின் ரகசிய அணு ஆயுதத் திட்டத்துக்கு உடந்தையாகவுள்ள நிறுவனங்கள், தனிநபர்களின் சொத்துக்களை முடக்கியும், அவர்கள் அமெரிக்காவின் நிதி அமைப்பு முறையினை பயன்படுத்த முடியாத வகையிலும் இந்த பொருளாதாரத் தடை விதிக்கப்பட்டுள்ளது. வட கொரியாவின் அணு ஆயுதத் திட்டத்துக்காக போதைப் பொருள் கடத்தல் உள்ளிட்ட சட்ட விரோத செயல்பாட்டின் மூலம் நிதி திரட்டும் பணியில் ஈடுபட்டுள்ள அந்நாட்டின் ரகசிய பிரிவுக்கு எதிராக தடை விதிக்கப்பட்டுள்ளது. அணு ஆயுத ஏற்றுமதி, இறக்குமதியில் ஈடுபட்டுள்ள கிரீன் பைன் அசோசியேட் கார்ப்பரேஷன் மற்றும் அதன் தாய் நிறுவனத்தின் மீதும் பொருளாதாரத் தடை விதிக்கப்பட்டுள்ளது. அணு ஆயுத வர்த்தகத்தில் ஈடுபட்டுள்ள கொரியாவின் நிறுவனங்களான தேசோங் வர்த்தக நிறுவனம் கொரியா ஹியூங்ஜின் வர்த்தக நிறுவனம் ஆகிய இரு நிறுவனத்துக்கும் இந்த புதிய பொருளாதாரத் தடை பொருந்தும். இந்த இரு நிறுவனங்களும் ஈரான், சிரியாவுடன் ஆயுத வர்த்தகத்தில் ஈடுபட்டுள்ளன என்று அமெரிக்க தரப்பில் கூறப்பட்டுள்ளது. பேச்சு நடத்த விருப்பம்-அமெரிக்கா இதனிடையே, வட கொரியாவுடன் எப்போது வேண்டுமானாலும் பேச்சு நடத்த தாங்கள் தயாராக இருப்பதாக அமெரிக்கா தெரிவித்துள்ளது. ஆனால் உபயோகமான வகையில் பேச்சு இருக்கும் என்றால் மட்டுமே வட கொரியாவுடன் பேச்சு நடத்த விரும்புவதாகவும் அமெரிக்காவின் வெளியுறவு அமைச்சக செய்தித் தொடர்பாளர் பி.ஜே.குரோவ்லே தெரிவித்துள்ளார்.

 800 இந்திய தொழிலாளர்கள்

உணவின்றித் தவிப்பு!!!

02-09-2010. 09: 55:00

நகரசபைக்கு உரிய வரியைக் கட்டாததால், தொழிலாளர் முகாம்களில் உள்ள குடிதண்ணீர் இணைப்பு துண்டிக்கப்பட்டுவிட்டது. மேலும், கழிவுநீர் குழாய் இணைப்பும் துண்டிக்கப் பட்டுள்ளது. இதனால் கழிப்பறைகள் சுத்தம் செய்யப்படாமல் கழிவுநீர் தேங்கி துர்நாற்றம் வீசுகிறது. குப்பைகளும் அகற்றப்படாமல் ஆங்காங்கே சிதறிக் கிடக்கின்றது எனஇபது குறிப்பிடத்தக்கது. இதேசமயம் ரியல் எஸ்டேட் துறை, பொருளாதாரசரிவால் நலிவடைந்துள்ளது. கட்டுமானத் துறையில் ஈடுபட்டுள்ள தொழில் அதிபர்கள் பலர் நாட்டை விட்டே ஓட்டம் பிடித்துவிட்டனர். இவற்றால் அன்றாட உணவிற்கு போராடும் தொழிலாளர்கள் வேலை இன்றி தவிக்கின்றனர் என்று தகவல்கள் வெளியாகி உள்ளன. மேலும் ஐக்கிய அரபு அமீரகத்தில் உள்ள ஷார்ஜாவில் ஒரு பொறியியல் கம்பெனியில் பணி புரிந்த தொழிலாளர்களுக்கு கடந்த 6 மாதங்களாக ஊதியமே தரவில்லை என்றும், இதனால் அந்த கம்பெனியின் தொழிலாளர் முகாம்களில் வசிக்கும் 800 இந்திய தொழிலாளர்கள் உணவின்றித் தவிக்கின்றனர்.  இந்த நிலையில் இந்த 800 இந்தியத் தொழிலாளர்களுக்கும் சம்பளம் தரப்படாமல் உள்ளதால் அவர்கள் என்ன செய்வது என்று தெரியாமல் விழித்துக் கொண்டுள்ளனர்.

 பேசுவதற்குத் தயாராக இருக்கிறோம்

என்ற குறிவைத்து வளைவீசும் அரசு….

02-09-2010. 09: 55:00

காஷ்மீரில் எந்தக் குழுவுடனும் பேசத் தயார்: காஷ்மீர் பிரச்னை தொடர்பாக பேச்சுவார்த்தையைத் தொடரவே அரசு விரும்புகிறது. எந்தத் தேதியில் இந்தப் பேச்சு நடைபெறும் என கூறமுடியாது. எனினும், கூடிய விரைவில் பேச்சுவார்த்தை தொடங்கும் என்ற நம்பிக்கை உள்ளது. காஷ்மீருக்கு விசேஷ அந்தஸ்து வழங்கும் அரசமைப்புச் சட்டத்தின் 370-வது பிரிவை ரத்து செய்ய வேண்டும் என பாஜக கோரிக்கை விடுத்து வருகிறது. ஆனால், காஷ்மீர் பிரச்னை குறித்து மத்திய அரசின் கொள்கை குறித்து ஏற்கெனவே பலமுறை பிரதமர் மன்மோகன் சிங்கும், நானும் தெளிவுபடுத்திவிட்டோம். நாங்கள் அறிவித்த கொள்கை காஷ்மீரில் அமைதியை நிலை நாட்டும் என்ற நம்பிக்கை உள்ளது.(பாதுகாப்புப் படை சிறப்பு அதிகார சட்டத்தில் திருத்தம் மேற்கொள்வது, மாநிலத்தில் உள்ள 5 லட்சம் இளைஞர்களுக்கு வேலைவாய்ப்பு, சரணடையும் தீவிரவாதிகளுக்கு சிறப்புத் திட்டம் போன்றவை விரைவில் அறிவிக்கப்படும் என மத்திய அரசு வட்டாரங்கள் தெரிவித்தன). காவி பயங்கரவாதம் வார்த்தை எனது கண்டுபிடிப்பல்ல: காவி பயங்கரவாதம் என்ற வார்த்தை எனது கண்டுபிடிப்பல்ல. ஏற்கெனவே காங்கிரஸ் தலைவர்கள் இதை பலமுறை பயன்படுத்தியுள்ளனர். வலதுசாரி மத அடிப்படைவாத அமைப்புகள் நமது நாட்டில் உள்ளன. குறிப்பிட்ட வார்த்தையைப் பயன்படுத்துவதால் நாம் சொல்ல வந்த கருத்து புரியாமல் போய்விடக் கூடாது. இந்த விஷயத்தில் காவி பயங்கரவாதம் வார்த்தையைப் பயன்படுத்தியதால் உண்மையான பொருள் எல்லோருக்கும் விளங்கிவிட்டது. எனினும், இந்த சர்ச்சை தொடர்பாக கட்சியின் கருத்தே இறுதியானது. (பயங்கரவாதத்துக்கு நிறம் எதுவும் கிடையாது என இந்த சர்ச்சை குறித்து காங்கிரஸ் செய்தித் தொடர்பாளர் ஜனார்தன் துவிவேதி கூறியிருந்தது குறிப்பிடத்தக்கது). எனவே சட்டம்-ஒழுங்கு மாநிலம் தொடர்பான விவகாரம் என்பதால் இது குறித்து மேற்கு வங்க அரசுதான் நடவடிக்கை எடுக்க வேண்டும் என்றார் ப.சிதம்பரம்.

சிவராமின் ஆவி மன்னிக்காது